തെരഞ്ഞെടുപ്പ് കമ്മീഷന് പുതിയ തലവേദന സൃഷ്ടിച്ച് 772 വോട്ടർമാരുള്ള ബൂത്തിൽ ബിജെപിക്ക് 909 വോട്ട്!

കൊൽക്കത്ത: സി.ജെ.പിയും മറ്റ് പ്രസ്ഥാനങ്ങളും ഡൽഹിയിൽ തെരഞ്ഞെടുപ്പ് കമ്മീഷനെതിരെ സമരം ശക്തമാക്കുന്നതിനിടയിൽ തലവേദന സൃഷ്ടിച്ചുപുതിയ വിവാദം .പശ്ചിമ ബംഗാൾ നിയമസഭാ ഉപതിരഞ്ഞെടുപ്പിൽ ഭരണകക്ഷിയായ തൃണമൂൽ കോൺഗ്രസിനെയും മുന്നണി പങ്കാളിയായ കോൺഗ്രസിനെയും ഞെട്ടിച്ച് ബിജെപി വിജയം നേടിയതിന് പിന്നാലെ, മണ്ഡലങ്ങളിൽ വൻ വോട്ടുകൊള്ളയും ക്രമക്കേടുകളും നടന്നെന്ന ആരോപണവുമായി പ്രതിപക്ഷം. റെജിനഗർ മണ്ഡലത്തിൽ വോട്ടറല്ലാത്ത ബിജെപി സ്ഥാനാർത്ഥി അനധികൃതമായി വോട്ട് രേഖപ്പെടുത്തിയെന്നും, ഒരു പോളിങ് ബൂത്തിൽ ആകെ രജിസ്റ്റർ ചെയ്ത വോട്ടർമാരുടെ എണ്ണത്തേക്കാൾ കൂടുതൽ വോട്ട് ബിജെപി സ്ഥാനാർത്ഥിക്ക് ലഭിച്ചെന്നുമാണ് പ്രതിപക്ഷ പാർട്ടികൾ തെളിവുകൾ നിരത്തി ആരോപിക്കുന്നത്.

റെജിനഗറിലെ ബിജെപി സ്ഥാനാർത്ഥിയായ ശങ്കർവ് സർക്കാർ മണ്ഡലത്തിലെ നിയമപരമായ വോട്ടറല്ലെന്നും എന്നാൽ ഇയാൾ അനധികൃതമായി പോളിങ് ബൂത്തിലെത്തി വോട്ട് രേഖപ്പെടുത്തിയെന്നുമാണ് ബംഗാൾ കോൺഗ്രസ് വിഡിയോയും രേഖകളും സഹിതം ആരോപിച്ചത്.

ബെർഹാംപുർ മണ്ഡലത്തിലെ 200-ാം ഭാഗത്തിലെ 788-ാം നമ്പർ വോട്ടറാണ് ശങ്കർവ് സർക്കാർ. ഇയാൾ റെജിനഗറിലെ പോളിങ് ബൂത്തിനുള്ളിൽ കയറി വോട്ട് രേഖപ്പെടുത്തുന്ന ദൃശ്യങ്ങൾ എക്സിലൂടെ (X) പങ്കുവെച്ച കോൺഗ്രസ്, “വോട്ട് ചോരിക്ക് തെളിവ് വേണോ? ഇതാ കണ്ണുതുറന്ന് കാണൂ” എന്ന് കുറിക്കുകയും തെരഞ്ഞെടുപ്പ് കമ്മീഷനെ ടാഗ് ചെയ്തുകൊണ്ട് നടപടി ആവശ്യപ്പെടുകയും ചെയ്തു.

ഉത്തരകൊറിയ പോലും ബുദ്ധിമുട്ടും”: അക്കങ്ങൾ നിരത്തി അഭിഷേക് ബാനർജി

തൃണമൂൽ കോൺഗ്രസ് ജനറൽ സെക്രട്ടറിയും എംപിയുമായ അഭിഷേക് ബാനർജിയും ബിജെപിക്കും ഇലക്ഷൻ കമ്മീഷനുമെതിരെ കടുത്ത കടന്നാക്രമണവുമായി രംഗത്തെത്തി. റെജിനഗറിലെ 109-ാം നമ്പർ ബൂത്തിലെ പോളിങ് അക്കങ്ങൾ ചൂണ്ടിക്കാട്ടിയായിരുന്നു അദ്ദേഹത്തിന്റെ വിമർശനം.

റെജിനഗറിലെ 109-ാം ബൂത്തിൽ ആകെ രജിസ്റ്റർ ചെയ്തിട്ടുള്ള വോട്ടർമാരുടെ എണ്ണം 772 ആണ്. എന്നാൽ ഇവിടെ വോട്ടെണ്ണൽ കഴിഞ്ഞപ്പോൾ ബിജെപിക്ക് മാത്രം ലഭിച്ചത് 909 വോട്ടുകൾ! 😅 ഈ ഗണിതശാസ്ത്ര കണക്ക് വിശദീകരിക്കാൻ ഉത്തരകൊറിയക്ക് പോലും സാധിക്കില്ല! മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ സാർ, ഒരു ബൂത്തിലെ ആകെ വോട്ടർമാരുടെ എണ്ണത്തേക്കാൾ കൂടുതൽ വോട്ട് ഒരു പാർട്ടിക്ക് മാത്രം എങ്ങനെ ഉണ്ടാകുന്നു എന്ന് ദയവായി വിശദീകരിക്കാമോ?” — അഭിഷേക് ബാനർജി കുറിച്ചു.