ഫ്രഷ്കട്ട്‌ വിഷയത്തിൽ എൽ.എൽ.എയുടെ പ്രസ്താവന അടിസ്ഥാന രഹിതം : എൽ.ഡി.എഫ്.

കട്ടിപ്പാറ : ഫ്രഷ്കട്ട്‌ അറവ് മാലിന്യ പ്ലാന്റുമായി ബന്ധപ്പെട്ട് കമ്പനിക്ക് അനുകൂലമായ റിപ്പോർട്ട്‌ നൽകിയ കട്ടിപ്പാറ പഞ്ചായത്ത്‌ സെക്രട്ടറിയെ സംരക്ഷിക്കണം എന്നാവശ്യപ്പെപ്പെട്ടാണ് എൽഡിഎഫ് ജനപ്രതിനിധികൾ പ്രതിഷേധിച്ച് ഭരണസമിതി യോഗത്തിൽ നിന്നിറങ്ങി പോന്നത് എന്ന പി.കെ ഫിറോസ് എൽഎയുടെ വാദം അടിസ്ഥാന രഹിതമാണ്.ഫ്രഷ്കട്ട്‌ വിഷയം ഗൗരവമായി ചർച്ച ചെയ്ത് ആവശ്യമായ നടപടി സ്വീകരിക്കണമെന്ന ആവശ്യമാണ് എൽഡിഎഫ് അംഗങ്ങൾ ഭരണസമിതി യോഗത്തിൽ ഉന്നയിച്ചത്.എന്നാൽ ഭരണപക്ഷം അതിന് തയ്യാറായില്ല.കമ്പനി ആരംഭിക്കുമ്പോൾ പാലിച്ച മാനദണ്ഡങ്ങളിൽ എന്ത് വീഴ്ചയാണ് വരുത്തിയതെന്ന് പരിശോധിച്ച് ആവശ്യമായ നടപടികൾ സ്വീകരിച്ചാണ്  സ്റ്റോപ്പ്‌ മെമ്മോ നൽകേണ്ടത്. ഇവിടെ ഈ കാര്യങ്ങളൊന്നും പാലിക്കപ്പെട്ടിട്ടില്ല.ഇത്തരത്തിൽ നിയമപരമായി നിലനിൽക്കാത്ത സ്റ്റോപ്പ്‌ മെമ്മോ നൽകി ജനങ്ങളെ കബളിപ്പിക്കുന്ന സമീപനമാണ് സർക്കാർ സ്വീകരിച്ചത്.പ്രാദേശ വാസികൾക്ക് പ്ലാന്റ് മൂലം പ്രയാസങ്ങൾ തുടങ്ങിയപ്പോൾ കഴിഞ്ഞ സർക്കാർ ഇത് പരിശോധിക്കാൻ പ്രത്യേക സമിതിയെ നിയോഗിക്കുകയും ആവശ്യമായ നടപടികൾ സ്വീകരിക്കുകയും ചെയ്തതാണ്. എന്നാൽ യുഡിഎഫ് ഭരണത്തിന് നേതൃത്വം നൽകുന്ന കട്ടിപ്പാറ പഞ്ചായത്ത്‌ കമ്പനിക്ക് അനുകൂലമായ നിലപാട് ആണ് സ്വീകരിച്ചിരുന്നത്. യുഡിഎഫിന്റെ ഉന്നത നേതൃത്വം ഇടപ്പെട്ട് കൊണ്ടാണ് പഞ്ചായത്ത്‌ സെക്രട്ടറിയെക്കൊണ്ട് അനുകൂലമായ റിപ്പോർട്ട്‌ സമർപ്പിച്ചത്ത്. നിലവിലെ കേരള മന്ത്രിസഭയിലെ അംഗങ്ങൾക്ക് കമ്പനിയുമായുള്ള ബിനാമി ബന്ധം നേരത്തെ തന്നെ ചർച്ചയായതാണ്.

ഈ വിഷയത്തിൽ സ്വാർത്ഥ താല്പര്യങ്ങൾക്ക് വേണ്ടി ജനങ്ങളെ വഞ്ചിച്ച ഗ്രാമപഞ്ചായത്ത് സെക്രട്ടറിയ്ക്കും മറ്റ് ഉദ്യോഗസ്ഥർക്കുമെതിരെ നടപടി സ്വീകരിച്ച് പ്ലാന്റ് പൂർണ്ണമായി അടച്ച് പൂട്ടി മാലിന്യ സംസ്കാരണത്തിന് ബദൽ സംവിധാനം ഒരുക്കണമെന്ന് എൽഡിഎഫ് ജനാപ്രതിനിധികൾ ആവശ്യപ്പെട്ടു. യോഗത്തിൽ പി സി തോമസ് അധ്യക്ഷത വഹിച്ചു. നിധീഷ് കല്ലുള്ളതോട്, കെ സി ലെനിൻ,കെ ടി മുഹമ്മദലി, ,എൻ അഖിൽ, അയൂബ് കാറ്റാടി, സൗമ്യ പ്രജീഷ്,ശ്രീജില ശ്രീജിത്ത്‌ എന്നിവർ സംസാരിച്ചു.