ഓടിക്കൊണ്ടിരുന്ന ട്രാവലറിന് തീപിടിച്ചു; കുറ്റ്യാടി സ്വദേശി കളായ തീർത്ഥാടകർ രക്ഷപ്പെട്ടത് തലനാരിഴയ്ക്ക്

മലപ്പുറം: ദേശീയപാതയിൽ വെട്ടിച്ചിറയിൽ ഇന്ന് പുലർച്ചയോടെ ഓടിക്കൊണ്ടിരുന്ന വാനിന് തീപിടിച്ചു. കൊടുങ്ങല്ലൂർ ഭാഗത്ത് തീർത്ഥാടനം കഴിഞ്ഞ് മടങ്ങുകയായിരുന്ന കോഴിക്കോട് വടകര കുറ്റ്യാടി സ്വദേശികളാണ് അൽഭുത കരമായി രക്ഷപ്പെട്ടത്.

 

ഓടിക്കൊണ്ടിരുന്ന വാഹനത്തിൽ നിന്ന് പെട്ടെന്ന് തീയും പുകയും ഉയർന്നതോടെ യാത്രക്കാർ പരിഭ്രാന്തരായെങ്കിലും, അപകടം ശ്രദ്ധയിൽപ്പെട്ട ഉടൻ തന്നെ എല്ലാവരെയും പുറത്തിറക്കിയതിനാൽ വൻ ദുരന്തം ഒഴിവായി.വടകര ആയഞ്ചേരി സ്വദേശിയുടെ ഉടമസ്ഥതയിലുള്ള ട്രാവലറാണ് അപകടത്തിൽപ്പെട്ടത്. തീ പടർന്നതോടെ വാഹനം പൂർണ്ണമായും കത്തിനശിച്ചു.