കോഴിക്കോട് ജില്ലാ പഞ്ചായത്തിലെ 28 ഡിവിഷനുകളിലേക്കുമുള്ള മുഴുവന്‍ എസ്ഡിപിഐ സ്ഥാനാര്‍ത്ഥികളെയും പ്രഖ്യാപിച്ചു. കോഴിക്കോട് ഹോട്ടല്‍ മറീന റസിഡന്‍സിയില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ ജില്ലാ പ്രസിഡണ്ട് മുസ്തഫ കൊമ്മേരി സ്ഥാനാര്‍ത്ഥി പ്രഖ്യാപനം നടത്തി.
അവകാശങ്ങള്‍ അര്‍ഹരിലേക്ക്, വിവേചനം ഇല്ലാത്ത വികസനത്തിന്' എന്ന മുദ്രാവാക്യം ഉയര്‍ത്തിയാണ് എസ്ഡിപിഐ ഇക്കുറി തദ്ദേശ തെരഞ്ഞെടുപ്പിനെ നേരിടുന്നത്.
ജില്ലയിലെ ജില്ലാ പഞ്ചായത്ത് വാര്‍ഡുകളിലേക്ക് മത്സരിക്കുന്ന എസ്ഡിപിഐ സ്ഥാനാര്‍ത്ഥികളായി ജില്ലാ വൈസ് പ്രസിഡണ്ടുമാരായ പിവി ജോര്‍ജ് (കാരശ്ശേരി), വാഹിദ് ചെറുവറ്റ (കാക്കൂര്‍), സെക്രട്ടറിമാരായ റഹ്‌മത്ത് നെല്ലൂളി (കുന്നമംഗലം), ബാലന്‍ നടുവണ്ണൂര്‍ (ബാലുശ്ശേരി), ട്രഷറര്‍ കെ കെ നാസര്‍ മാസ്റ്റര്‍ (നാദാപുരം), ജില്ലാ കമ്മിറ്റി അംഗങ്ങ ളായ കെ കെ ഫൗസിയ (ഓമശ്ശേരി), ടി പി ശബ്‌ന (നരിക്കുനി), ടി പി മുഹമ്മദ് (ചാത്തമംഗലം), കെ പി ഗോപി (മേപ്പയ്യൂര്‍), മുന്‍ ജില്ലാ ജനറല്‍ സെക്രട്ടറി സലീം കാരാടി (താമരശ്ശേരി), മുന്‍ ജില്ലാ കമ്മിറ്റി അംഗ ങ്ങളായ സി ടി അഷ്‌റഫ് (കട്ടിപ്പാറ), സന്ധ്യ ഉമേഷ് (എടച്ചേരി), ജി സരിത (കായക്കൊടി), വിമന്‍ ഇന്ത്യ മൂവ്മെന്റ് ജില്ലാ പ്രസിഡണ്ട് റംഷിന ജലീല്‍ (പന്തീരങ്കാവ്), വിമന്‍ ഇന്ത്യ മുവ്മെന്റ് നേതാക്കളായ വി ടി നജ്മത് (പനങ്ങാട്), മുബീന നൗഷാദ് (കക്കോടി), ഷെറീന ഷുക്കൂര്‍ (കോടഞ്ചേരി), സമീറ മുഹമ്മദ് (മൊകേരി), പി കെ ഫൗസിയ (ഉള്ളേരി), കെ വി ജമീല ടീച്ചര്‍ (കടലുണ്ടി), എന്‍ എം റസിയ (അരിക്കുളം), ഹസീന കമ്മന (പയ്യോളി അങ്ങാടി), എസ്ഡിപിഐ മണ്ഡലം, പ്രാദേശിക നേതാക്കളായ പി കെ അന്‍വര്‍ (ചേളന്നൂര്‍), റഊഫ് ചോറോട് (ചോറോട്), ഷെമീര്‍ അത്തോളി (അത്തോളി), വി കുഞ്ഞമ്മത് (പേരാമ്പ്ര), കെ പി സാദിഖ് (മണിയൂര്‍), സമീര്‍ കുനിയില്‍ (അഴിയൂര്‍) എന്നിവരെ പ്രഖ്യാപിച്ചു.വാര്‍ത്ത സമ്മേളനത്തില്‍ ജില്ലാ സെക്രട്ടറി റഹ്‌മത്ത് നെല്ലൂളി, ജില്ല സെക്രട്ടറിയേറ്റ് അംഗം ഷറഫുദ്ദീന്‍ വടകര പങ്കെടുത്തു.
No comments:
Post a Comment