ശക്തരായ പ്രതിപക്ഷ മുഖങ്ങളെ ഇല്ലാതാക്കി. ബിജെപിയെ എങ്ങനെ സഹായിക്കണം എന്ന് ഗ്യാനേഷ് കുമാറിന് അറിയാം. ബിജെപിയില് അംഗത്വമെടുക്കേണ്ട ഒരു കുറവ് മാത്രമാണ് ഗ്യാനേഷ് കുമാറിനുള്ളത്."
മൂന്ന് ആവശ്യങ്ങള് സിജെപി നേതാക്കള് കേന്ദ്ര സര്ക്കാരിന് മുന്നില്വെച്ചു. ഗ്യാനേഷ് കുമാര് രാജി വെക്കുക, വരാന് പോകുന്ന തെരഞ്ഞെടുപ്പ് നിര്ത്തിവെക്കുക, 2023ലെ തെരഞ്ഞെടുപ്പ് കമ്മീഷന് നിയമനരീതി തിരികെ കൊണ്ടുവരിക എന്നീ ആവശ്യങ്ങളാണ് മുന്നോട്ടുവെച്ചത്. ഗ്യാനേഷ് കുമാര് രാജിവെച്ചില്ലെങ്കില് ജന്തര് മന്തര് 2.0 ഉറപ്പായും ഉണ്ടാകും എന്നും സിജെപി മുന്നറിയിപ്പ് നല്കി.
ഗ്യാനേഷ് കുമാറിനെ രാജ്യത്തെ ഒന്നാംനമ്പര് രാജ്യദ്രോഹിയെന്നാണ് സിജെപി വിശേഷിപ്പിച്ചത്. ഗ്യാനേഷ് കുമാര് ജനാധിപത്യത്തിന് ഭീഷണിയാണ്. അധികാരം ദുരുപയോഗം ചെയ്യുകയാണ്. വോട്ട് വെട്ടി ഒരു കൂട്ടരെ സഹായിക്കുന്നു. കഴിഞ്ഞ തെരഞ്ഞെടുപ്പില് ബിജെപി ഒറ്റയ്ക്ക് ഭൂരിപക്ഷം നേടിയിരുന്നില്ല. രാജ്യത്ത് മാറ്റത്തിന്റെ കാറ്റ് വീശുമ്പോള് പ്രാദേശിക പ്രതിപക്ഷ പാര്ട്ടികളെയും നേതാക്കളെയും ഓരോന്നായി തകര്ത്തു. പല സംസ്ഥാനങ്ങളിലും അധികാരം മറിച്ചിട്ടു. മമത ബാനര്ജി, അരവിന്ദ് കേജ്രിവാള്, എം.കെ സ്റ്റാലിന്, പിണറായി വിജയന് തുടങ്ങിയ പേരുകള് അഭിജീത് ദീപ്കെ ചൂണ്ടിക്കാട്ടി"
"ഇന്ന് രാജ്യത്ത് കേന്ദ്രത്തിനെതിരെ വലിയ വികാരമുണ്ട്. മോദിക്കെതിരെ വികാരമുണ്ട്. മോദി തരംഗത്തിന്റെ ഉച്ചസ്ഥായിയില് പോലും ബിജെപി ജയിക്കാത്ത സ്ഥലങ്ങളില് ഇപ്പോള് ജയിക്കുന്നത് എങ്ങനെയാണ്. ഒരു ഗ്യാനേഷ് കുമാറാണ് എല്ലാത്തിനും പിന്നില് -ദീപ്കെ പറഞ്ഞു. എസ്ഐആര് കാരണം വോട്ട് ഇല്ലാതായി ഭരണം നഷ്ടമായ നേതാക്കളുടെ കൂടെ പിണറായി വിജയന്റെ പേരും അഭിജിത് ദീപ്കെ വായിച്ചു."
0 Comments