തിരുവനന്തപുരം:പ്രസംഗത്തില് പല പ്രയോഗങ്ങളും നടത്തും, അതൊക്കെ വലിയ വിഷയമാക്കേണ്ട കാര്യമല്ലെന്ന് മന്ത്രി കെ.എം ഷാജി
പിഎം ശ്രീ പദ്ധതി കടലിലെറിയുമെന്ന പ്രസ്താവനയില് മലക്കം മറിഞ്ഞ് സംസാരിക്കുകയായിരുന്നു മന്ത്രി .
ഒന്നും വ്യക്തിപരമായ തീരുമാനങ്ങളല്ലെന്നും സര്ക്കാരിന്റെ തീരുമാനമാണെന്നും കെ.എം. ഷാജി പറഞ്ഞു.
സര്ക്കാരുകള് എന്നത് മറ്റൊന്നിന്റെ തുടര്ച്ചയാണ്. ഉപസമിതിയുടെ നിരീക്ഷണം വരട്ടെ. സാങ്കേതികരമായ പ്രശ്നമാണ് പറഞ്ഞത്. ഏത് ഫണ്ടാണെങ്കിലും കേന്ദ്ര സര്ക്കാര് തടഞ്ഞു വച്ചിരുന്നു. ഒപ്പിട്ടതിന് ശേഷമാണ് നല്കിയത്.
Also read-വല്ലാത്തൊരു സംശയം,ഭാര്യയെ നിരീക്ഷിക്കാൻ വീടിനുള്ളിലും പുറത്തും ക്യാമറ; യുവതി ജീവനൊടുക്കി
വ്യക്തത വരുത്തണമെങ്കില് സര്ക്കാരിന് സമയം വേണം. പ്രസംഗത്തില് പല പ്രയോഗങ്ങളും നടത്തും. അറബി കടലില് കൊണ്ട് പോയി കളയാന് സര്ക്കാരിന് പറ്റുമോ? അത് ചര്ച്ചയാക്കേണ്ട കാര്യമില്ലെന്നും കെ.എം. ഷാജി പറഞ്ഞു
ഒറ്റയടിക്ക് പദ്ധതിയില് നിന്നും മാറി പോകാന് കഴിയില്ല. ആശയപരമായ വിഷയങ്ങളുമായി വിയോജിപ്പുണ്ട്. പിഎം ശ്രീ വളരെ വ്യത്യാസമുള്ളതാണ്. അതിന് സമയം വേണം. വൈരാഗ്യ ബുദ്ധി കൊണ്ട് ഇറങ്ങി പോവാന് ആവില്ലെന്നും മന്ത്രിപറഞ്ഞു.
