പെരുമ്പാവൂർ:രാഹുകാലം കഴിയാതെ ഓഫീസില് കയറില്ലെന്ന് ചെയർപേഴ്സണ് വാശിപിടിച്ചതോടെ മുക്കാല് മണിക്കൂറോളം കാത്ത് നിന്ന് ഉദ്യോഗസ്ഥരും പാർട്ടിപ്രവർത്തകരും.
പെരുമ്പാവൂർ നഗരസഭയിലെ പുതിയ ചെയർപേഴ്സണ് യുഡിഎഫിന്റെ കെ.എസ് സംഗീതയാണ് രാഹുകാലം കഴിയും വരെ ഓഫീസില് കയറില്ലെന്ന നിലപാടെടുത്തത്. സംഗീതയുടെ സത്യപ്രതിജ്ഞ 11. 15 ഓടെ കഴിഞ്ഞിരുന്നു. പക്ഷേ 12 മണിക്ക് രാഹുകാലം കഴിയാതെ താൻ ഓഫീസിലേക്ക് കയറില്ലെന്ന് സംഗീത കടുംപിടിത്തം പിടിച്ചു. ഇതോടെ ഉദ്യോഗസ്ഥരും ഒപ്പമുണ്ടായിരുന്ന പാർട്ടി പ്രവർത്തകരും മുക്കാല് മണിക്കൂറോളം ചെയർപേഴ്സനെ നഗരസഭാ ഓഫീസില് കാത്തുനിന്നു. 29 അംഗങ്ങളുള്ള നഗരസഭയില് യുഡിഎഫിന് 16 വോട്ടുകളും, എല്ഡിഎഫിന് 11 വോട്ടുകളും ലഭിച്ചു. രണ്ട് അംഗങ്ങളുള്ള എൻഡിഎ തിരഞ്ഞെടുപ്പില് നിന്ന് വിട്ടുനിന്നു
No comments:
Post a Comment