യുപിഐ വഴി പണമടച്ചാല്‍ വാഹനത്തിന്‍റെ ടോള്‍ നിരക്കിന്‍റെ 25ശതമാനം അധികം അടച്ചാല്‍ മതി
*ന്യൂഡല്‍ഹി*:ടോള്‍ പ്ലാസകളില്‍ ഫാസ്റ്റ് ടാഗില്ലാത്ത വാഹനങ്ങള്‍ക്കുള്ള ഫീസ് ഈടാക്കുന്നതില്‍ നിയമഭേദഗതിയുമായി കേന്ദ്ര ഉപരിതല ഗതാഗത മന്ത്രാലയം.യുപിഐ വഴി പണമടച്ചാല്‍ വാഹനത്തിന്‍റെ ടോള്‍ നിരക്കിന്‍റെ 25ശതമാനം അധികം അടച്ചാല്‍ മതിയെന്നാണ് പുതിയ ഭേദഗതി.പണമായിട്ടാണെങ്കില്‍ നിലവിലുള്ള പോലെ നിരക്കിന്‍റെ ഇരട്ടി അധികമായി അടയ്ക്കണം. നവംബർ 15 ന് പുതിയ ഭേദഗതി പ്രാബല്യത്തില്‍ വരും.ടോള്‍ പിരിവില്‍ സുതാര്യത വർധിപ്പിക്കാനും യുപിഐ ഇടപാട് പ്രോത്സാഹിപ്പിക്കാനുമാണ് നടപടിയെന്ന് ഉപരിതല ഗതാഗത മന്ത്രാലയം വാര്‍ത്താക്കുറിപ്പില്‍ അറിയിച്ചു.പണമിടപാടുകള്‍ ഒഴിവാക്കുന്നതിനുള്ള സുപ്രധാന നടപടിയായി 2008 ലെ ദേശീയ പാത ഫീസ് നിയമങ്ങളാണ് കേന്ദ്ര സർക്കാർ ഭേദഗതി ചെയ്തത്.
No comments:
Post a Comment