വനിതാ യാത്രക്കാർക്ക് ആദ്യ ടിക്കറ്റ് കൈമാറിയും പ്രിയദർശിനി ബസിന്റെ ഫ്ലാഗ് ഓഫ് നിർവഹിച്ചും എം.എൽ.എ പദ്ധതിക്ക് തുടക്കം കുറിച്ചത് .സ്ത്രീകളുടെ സാമൂഹികവും സാമ്പത്തികവുമായ ശാക്തീകരണത്തിന് വലിയ പിന്തുണ നൽകുന്ന പദ്ധതിയാണ് പ്രിയദർശിനിയെന്നും സ്ത്രീകളുടെ യാത്രാചെലവ് കുറയ്ക്കുന്നതിനും അവരുടെ സ്വതന്ത്ര സഞ്ചാരത്തിന് കൂടുതൽ അവസരങ്ങൾ ഒരുക്കുന്നതിനും പദ്ധതി സഹായകരമാകുമെന്നും അദ്ദേഹം പറഞ്ഞു.
ബ്ലോക്ക് പഞ്ചായത്ത് പ്രസിഡന്റ് അംബിക മംഗലത്ത് അധ്യക്ഷയായി, വൈസ് പ്രസിഡന്റ് എൻ.സി. ഉസൈൻ , താമരശേരി ഗ്രാമപഞ്ചായത്ത് പ്രസിഡന്റ് റസീന സിയാലി, കട്ടിപ്പാറ ഗ്രാമപഞ്ചായത്ത് പ്രസിഡന്റ് സജീന, ജില്ലാ പഞ്ചായത്ത് അംഗം പി.ജി. മുഹമ്മദ്, ബ്ലോക്ക് പഞ്ചായത്ത് അംഗങ്ങളായ ഗിരീഷ് കുമാർ, മൈമൂന ഹംസ, സി.ടി. വനജ, ഗ്രാമപഞ്ചായത്ത് വൈസ് പ്രസിഡൻ്റ് നവാസ് ഈർപ്പോണ , വാർഡ് അംഗം ആസാദ്, ട്രേഡ് യൂണിയൻ നേതാക്കൾ എന്നിവർ ആശംസകൾ നേർന്ന് സംസാരിച്ചു.സംസ്ഥാനതല ഉദ്ഘാടന ചടങ്ങുകൾക്ക് ശേഷമാണ് നിയോജകമണ്ഡലതല പരിപാടി സംഘടിപ്പിച്ചത്.
