കർണാടക:സെല്‍ഫിയെടുക്കാം' എന്ന് പറഞ്ഞ് നിര്‍ത്തിയ ഭര്‍ത്താവിനെ പാലത്തില്‍ നിന്നും തള്ളിയിട്ട് നവവധു, സംഭവം അറിഞ്ഞ് എത്തിയ നാട്ടുകാർ ഭർത്താവിനെ മരണത്തിൽ നിന്നും രക്ഷപ്പെടുത്തി.കർണാടകയിലെ യാദ്ഗിറിലെ ഗുർജാപൂർ പാലത്തിന് സമീപം ആണ് സംഭവം.
നവവധു തള്ളിയിട്ട ഇയാളെ നാട്ടുകാർ ചേർന്ന് രക്ഷപ്പെടുത്തുകയായിരുന്നു. ദമ്പതികള് കൃഷ്ണ നദിക്കു കുറുകെയുളള ഗുര്‍ജാപൂര്‍ പാലത്തില്‍ ബൈക്ക് നിർത്തി സെല്‍ഫി എടുക്കുകയായിരുന്നു. ഇതിനിടെ ആണ് യുവതി ഭർത്താവിനെ തള്ളി നദിയിലേക്കിട്ടത്.
പാലത്തില്‍ നിന്നും താഴെ നദിയിലേക്ക് വീണ യുവാവ് ഒഴുകി സമീപത്തുളള പാറയില്‍ പിടിച്ചു നിന്നു. നിലവിളി കേട്ട് ഓടിയെത്തിയ നാട്ടുകാർ കയർ പാറയിലേക്ക് ഇട്ടുകൊടുത്ത് യുവാവിനെ മുകളിലേക്ക് കയറ്റുകയായിരുന്നു. അബദ്ധത്തില്‍ കാല്‍വഴുതി വീഴുകയായിരുന്നു എന്നാണ് ഓടിക്കൂടിയ പ്രദേശവാസികളോട് യുവതി പറഞ്ഞത്. എന്നാല്‍ രക്ഷപ്പെട്ട് മുകളിലേക്ക് കയറിയ ശേഷം യുവാവ് തന്നെയാണ് ഭാര്യ തന്നെ തളളിയിടുകയായിരുന്നുവെന്ന് വെളിപ്പെടുത്തിയത്. എന്നാല്‍ ആരോപണം യുവതി നിഷേധിച്ചു.
തന്റെ ഭാര്യയെ വീട്ടില്‍ നിന്ന് തിരികെ കൊണ്ടുവരുമ്ബോള്‍ ഗുർജാപൂർ അണക്കെട്ടില്‍ നിർത്തി ഫോട്ടോ എടുക്കാൻ നിർബന്ധിച്ചുവെന്ന് ഭർത്താവ് പരാതിയില്‍ അവകാശപ്പെട്ടു.നദിക്ക് അഭിമുഖമായി പാലത്തിന്റെ അരികില്‍ ഒരു ചിത്രത്തിനായി നില്‍ക്കാൻ അവള്‍ തന്നോട് ആവശ്യപ്പെട്ടപ്പോള്‍ താൻ സമ്മതിച്ചുവെന്ന് അയാള്‍ പറഞ്ഞു. “അവളെ വിശ്വസിച്ച്‌ ഞാൻ വെള്ളത്തിന് അഭിമുഖമായി നിന്നു, അപ്പോള്‍ അവള്‍ പെട്ടെന്ന് എന്നെ കൊല്ലാൻ ശ്രമിച്ചുകൊണ്ട് ഒഴുകുന്ന നദിയിലേക്ക് തള്ളി. ഒഴുക്കില്‍പ്പെട്ട് ഞാൻ നദിയുടെ നടുവിലുള്ള ഒരു പാറയില്‍ പിടിച്ചു, പാലത്തിലൂടെ കടന്നുപോകുന്നവരോട് സഹായത്തിനായി നിലവിളിക്കാൻ തുടങ്ങി,” എന്ന് യുവാവ് പറയുന്നു.നാട്ടുകാരുടെ ഇടപെടൽ മൂലം യുവാവ് മരിണത്തിൽ നിന്നും രക്ഷപ്പെടുകയായിരുന്നു.
No comments:
Post a Comment