കൊടുവള്ളി : വീട്ടിൽ വിൽപ്പനയ്ക്കായി സൂക്ഷിച്ച ഇരുപത് ഗ്രാം എം ഡി എം എ യുമായി ഒരാളെ കോഴിക്കോട് റൂറൽ എസ്.പി.കെ .ഇ.ബൈജു.വിൻറെ കീഴിലുള്ള സംഘം പിടികൂടി. കൊടുവള്ളി , പുത്തൂർ,കണിയാർ കണ്ടം ഷാഹുൽ അമീൻ (24) നെയാണു പതിനെട്ടിന് വൈകിട്ട് മൂന്ന് മണിക്ക് ഇയാൾ താമസിക്കുന്ന വീട്ടിൽ നിന്നും കൊടുവള്ളി ഇൻസ്പെക്ടർ കെ.പി അഭിലാഷ് അറസ്റ് ചെയ്തത് .
വീട്ടിലെ അലമാരയിൽ പ്ളാസ്റ്റിക് കവറിൽ സൂക്ഷിച്ച നിലയിലായിരുന്നു എം.ഡി.എം.എ. ലഹരിക്ക് അടിമയായ ഇയാൾ ആറ് മാസത്തോളമായി എസ്.പി യുടെ സ്പെഷ്യൽ സ്ക്വാഡിൻ്റെ നിരീക്ഷണത്തിലായിരുന്നു. ബാംഗ്ലൂരിൽ നിന്നും കോഴിക്കോട് എത്തിച്ചു വിൽക്കുന്ന മൊത്ത വിതരണക്കാരിൽ നിന്നാണ് ഇയാൾ എം ഡി എം എ വാങ്ങുന്നത്. പിടികൂടി ലഹരിക്ക് അറുപതിനായിരം രൂപ വില വരും. പാക്കിംഗിനുള്ള കവറുകളും ഇലക്രോണിക് ത്രാസ്സും എൺപത്തി അയ്യായിരം രൂപയും ഇയാളുടെ വീട്ടിൽ നിന്നും കണ്ടെടുത്തു.ഇയാളെ താമരശ്ശേരി കോടതി റിമാൻഡ് ചെയ്തു.
സ്പെഷ്യൽ സ്ക്വാഡ് എസ്.ഐ മാരായ രാജീവ്ബാബു, ബിജു. പി,സീനിയർ സി പി ഒ മാരായ ജയരാജൻ എൻ.എം, ജിനീഷ്. പി.പി,രതീഷ്. എ. കെ,അനൂപ്. ടി,, ദീപക്. കെ ,, സുരേഷ് എം,, അജിൻ ഗോപാൽ, രമ്യ. കെ എന്നിവരടങ്ങിയ സംഘമാണ് ഇയാളെ പിടി കൂടിയത്.
No comments:
Post a Comment