കൊണ്ടോട്ടി :നടുറോഡില് ഇഴഞ്ഞ് എത്തിയ കുഞ്ഞിനെ കണ്ട് ബസ് ജീവനക്കാരും യാത്രക്കാരും തെല്ലൊന്നുമല്ല അമ്പരന്നത്.ഒരു നിമിഷം റോഡിൽ നിന്നും ശ്രദ്ധ തെറ്റിപ്പോയിരുന്നെങ്കിൽ...
. ആലോചിക്കാൻ പോലും ആർക്കും ആവുന്നില്ല.... പിഞ്ചുകുഞ്ഞ്.....
നെഞ്ചിടിപ്പേറ്റുന്ന സിസിടിവി ദൃശ്യങ്ങള് പുറത്ത്
.വലിയ പറമ്പില് നടുറോഡില് പിഞ്ച് കുഞ്ഞ്. ഇന്ന് രാവിലെ 8.30 ഓടെയാണ് സംഭവം നടന്നത്. ആ സമയം സഫ മര്വ എന്ന ബസ് കടന്നുപോകുമ്പോഴാണ് കുഞ്ഞിനെ കണ്ടത്
ഡ്രൈവര് രാമചന്ദ്രന്റെ സമയോചിത ഇടപെടലിലാണ് കുഞ്ഞിനെ രക്ഷപ്പെടുത്താനായത്. ഉടനെ ബസ് നിർത്തുകയും കണ്ടക്ടർ നവാസ് ഇറങ്ങി കുഞ്ഞിനെ എടുക്കുകയുമായിരുന്നു.
റോഡിലിരിക്കുന്ന കുഞ്ഞിന്റെ ദൃശ്യങ്ങള് ബസിന്റെ സിസിടിവിയില് പതിഞ്ഞു. കുട്ടി മുട്ടിലിഴഞ്ഞ് റോഡിലേക്ക് എത്തുകയായിരുന്നുവെന്നാണ് കരുതുന്നത്. നല്ല തിരക്കുള്ള റോഡിലാണ് കുഞ്ഞിനെ കണ്ടതെന്ന് ഓർക്കുമ്പോൾ നാട്ടുകാരും സ്തബ്ധരായി പോയി.
