പാടന്തറ: നിർധനരായ യുവതി യുവാക്കൾക്കുള്ള സമൂഹ വിവാഹം നാളെഏപ്രിൽ അഞ്ചിന് തമിഴ്നാട് നീലഗിരി ജില്ലയിലെ പാടന്തറയിലാണ് രാജ്യത്തെ തന്നെ വലിയ സമൂഹ വിവാഹത്തിന് വേദിയൊരുങ്ങുന്നത്. നീലഗിരി ജില്ലാ എസ് വൈ എസ് കമ്മിറ്റിയും പാടന്തറ മർകസുമാണ് സംഘാടനത്തിന് നേതൃത്വം നൽകുന്നത്.
വധൂവരൻമാർക്ക് അണിയാനുള്ള വിവാഹ വസ്ത്രങ്ങൾ, വധുമാർക്ക് സ്വർണാഭരണങ്ങൾ എന്നിവ നൽകും.
സാമ്പത്തിക പരാധീനതകൾ മൂലം വിവാഹ ജീവിതത്തിലേക്ക് പ്രവേശിക്കാനാകാതെ കഴിയുന്ന പെൺകുട്ടികളെയും അവരുടെ രക്ഷിതാക്കളും നിരവധിയുള്ളതായി ശ്രദ്ധയിൽ പെട്ടപ്പോഴാണ് 2014ൽ സമൂഹ വിവാഹത്തിന് തുടക്കം കുറിച്ചതെന്ന് കാന്തപുരം എപി അബൂബക്കർ മുസ്ലിയാർ പറഞ്ഞു. സമസ്ത വയനാട് ജില്ലാ സെക്രട്ടറി ദേവർഷോല അബ്ദുസ്സലാം മുസ്ലിയാരുടെ നേതൃത്വത്തിലാണ് ഈ വലിയ പരിശ്രമം വിജയകരമായി പൂർത്തിയാക്കുന്നത്.
2014 ൽ 114 വധൂ വരന്മാരുടെ മംഗല്യമാണ് നടത്തിയത്. തുടർന്ന് 2015, 2017, 2019, 2023 വർഷങ്ങളിലും മെഗാ സമൂഹ വിവാഹം നടന്നു. ഇതിനകം 2000 യുവതി യുവാക്കളാണ് ഈ ദൗത്യത്തിലൂടെ പുതു ജീവിതത്തിലേക്ക് പ്രവേശിച്ചത്.
എപ്രിൽ അഞ്ച് രാവിലെ ഒമ്പതിന് ആരംഭിക്കുന്ന സമൂഹ വിവാഹ സംഗമം ഇന്ത്യന് ഗ്രാന്റ് മുഫ്തി കാന്തപുരം എ പി അബൂബക്കര് മുസ്ലിയാര് ഉദ്ഘാടനം ചെയ്യും.
