ഇത് ഒരു റോഡാണ്,കൊല്ലപ്പടി ചാമോറ വേനപ്പാറ റോഡ് പൊട്ടിപോളിഞ്ഞിട്ടും തിരിഞ്ഞുനോക്കാതെ ഓമശ്ശേരി ഗ്രാമ പഞ്ചായത്ത്

ഓമശ്ശേരി ഗ്രാമപഞ്ചായത്തിലെ കൊല്ലപ്പടി ചാമോറ വേനപ്പാറ റോഡ് പൊട്ടിപൊളിഞ്ഞു കാൽനട യാത്രക്കാർ വരെ ദുരിതത്തിൽ. 85 വർഷത്തെ പഴക്കമുള്ള 8 മീറ്റർ വീതിയുള്ള മലയോര മേഖലയിലെ ആദ്യത്തെ റോഡായിട്ടും  തിരിഞ്ഞു നോക്കാതെ അധികാരികൾ ജനങ്ങളെ ദ്രോഹിക്കുന്ന നിലപാടാണ് ഉള്ളത്.. മുൻപ് ആറോളം സ്വകാര്യ ബസ്സുകളും ഒരു കെഎസ്ആർടിസി ബസ്സും ഈ പ്രദേശത്തുകൂടെ ഓടിയിരുന്നതാണ്. പൊട്ടിപ്പൊളിഞ്ഞ റോഡിന്റെ ദുരിതാവസ്ഥയിൽ ഇപ്പോൾ നിലവിൽ ഒരു ബസ് മാത്രമാണ് സർവീസ് നടത്തുന്നത്. റോഡിന്റെ ശോചനീയാവസ്ഥയിൽ ആ ബസ്സും നിലയ്ക്കാൻ പോകുന്ന അവസ്ഥയിലേക്കാണ് പോകുന്നത്. നിലവിൽ ഇരുപതോളം സ്കൂൾ ബസ്സുകൾ സഞ്ചരിക്കുന്ന റോഡ് ആണിത്. കൂടാതെ നിരവധി ആരാധനാലയങ്ങൾ, 3 സ്കൂളുകൾ എന്നിവ ഈ  പ്രദേശത്തുണ്ട് എന്നിട്ടും പഞ്ചായത്ത് അധികാരികളോ ജനപ്രതിനിധികളോ Attempt യാതൊരുവിധ ഇടപെടലും നടത്താതെ ജനങ്ങൾക്ക് ദുരിത യാത്ര ചെയ്യുകയാണ്. 8 മീറ്റർ വീതിയിയുള്ള നാലര കിലോമീറ്റർ ദൂരത്തിലാണ് ഈ പൊട്ടിപ്പൊളിഞ്ഞ റോഡുള്ളത്. മുൻ വർഷങ്ങളിൽ എല്ലാം പല നിവേദനങ്ങളും അപേക്ഷകളും സ്ഥലം എംഎൽഎ, എം.പി,  പ്രാദേശിക ഭരണകൂട ജനപ്രതിനിധികൾ, വാർഡ് മെമ്പർമാർ എന്നിവർക്കെല്ലാം കൊടുത്തിട്ടും യാതൊരുവിധ പരിഗണനയും ഈ റോഡിൽ ലഭിച്ചിട്ടില്ല.. കാൽനട യാത്ര പോലും അതീവ ദുഷ്കരമാണ്. രോഗികളെ പോലും ആശുപത്രി കൊണ്ടുപോവാൻ ജനങ്ങൾ നന്നേ പ്രയാസപ്പെടുന്നു..  റോഡിനോടുള്ള അധികാരികളുടെ അവഗണനയിൽ ജനകീയ കൂട്ടായ്മയിൽ പ്രതിഷേധത്തിന്  തയ്യാറെടുക്കുകയാണ് നാട്ടുകാർ