വീട് മാറി പോലീസിന്റെ റെയ്ഡ്, ഭയപ്പെട്ടു വീട്ടുകാർ, പ്രതിഷേധവുമായി നാട്ടുകാർ

പുതുപ്പാടി:ലഹരി സൂക്ഷിച്ചിട്ടുണ്ട് എന്ന രഹസ്യ വിവരത്തെ തുടര്‍ന്ന് റെയ്ഡിനെത്തിയ താമരശ്ശേരി പോലീസ് അബദ്ധം പിണഞ്ഞ്  വീട് മാറി റെെഡ് ചെയ്തത് പ്രതിഷേധത്തിനിടയാക്കി.സംഭവ്തിൽ കുടുംബം താമരശ്ശേരി ഡി.വൈ.എസ്.പിക്ക് പരാതി നൽകി.

ഈങ്ങാപ്പുഴ കരികുളം വള്ളിക്കെട്ടുമ്മല്‍ മുസ്ഥഫയുടെ വീട്ടിലായിരുന്നു ശനിയാഴ്ച റെെഡ് നടന്നത്.ഗൃഹനാഥന്‍ വീട്ടിലില്ലാത്ത സമയത്ത് എത്തിയ പോലീസിനെ കണ്ട് വിറച്ച വീട്ടുകാര്‍ റെയ്ഡിനെ കുറിച്ച് അന്ന്വേഷിച്ചെങ്കിലും വെക്തമായ മറുപടി പറയാന്‍ കൂട്ടാക്കിയില്ല.തുടര്‍ന്ന് റെയ്ഡ് വിവരമറിഞ്ഞെത്തിയ നാട്ടുകാരും ഗൃഹനാഥനും പോലീസുമായി വാക്കേറ്റമുണ്ടാവുകയും റെയ്ഡ് തുടരുകയുമായിരുന്നു.

ഒരേ അഡ്രസിലുള്ള രണ്ട് കുടുംബങ്ങൾ ഒരേ പോസ്റ്റോഫീസിന് കീഴിൽ ഉള്ള രണ്ട് സ്ഥലത്ത് താമസിക്കുന്നതാണ് അബദ്ധം പറ്റാൻ കാരണം. ഇതേ അഡ്രസിലുള്ള ആൾ  ഈങ്ങാപ്പുഴക്കടുത്ത് ആച്ചിയിൽ താമസമുണ്ട്. എന്നാൽ റെയ്‌ഡിന്റെ കാരണത്തെകുറിച്ച് വീട്ടുകാരെ അറിയിക്കാനൊ, വിവരം കൈമാറിയവർ നൽകിയ ഫോട്ടൊ കാണിക്കാനൊ തെയ്യാറാവാത്തതാണ് ഇത്തരം സംഭവം ഉണ്ടാവാൻ കാരണമായതെന്നറിയുന്നു. റൈഡിനെ തുടർന്ന് കനത്ത മാനസീകപ്രയാസത്തിലായ വീട്ടുകാർ താമരശ്ശേരി ഡിവൈഎസ്പിക്ക് പരാതി നൽകിയതിനു പുറമെ അടുത്ത  ദിവസം മനുഷ്യാവകാശ കമ്മീഷനും, മുഖ്യമന്ത്രിക്കും പരാതി നൽകുമെന്ന് കുടുംബം അറിയിച്ചു