വടകര
: മോഷ്ടിച്ച ബൈക്കുകളുമായിഒമ്പതിലും പത്തിലും പഠിക്കുന്ന അഞ്ച് സ്‌കൂള്‍ വിദ്യാര്‍ഥികള്‍ പിടിയില്‍. ഇവരെ ആറ് ബൈക്കുകളുമായാണ് പിടിയിലായിരിക്കുന്നത്. വടകര റെയില്‍വേ സ്‌റ്റേഷന്‍ പരിസരത്തു നിന്നാണ് ഇവര്‍ വാഹനങ്ങള്‍ മോഷ്ടിച്ചത്. ബൈക്കുകളുടെ ലോക്‌സെറ്റ് തകര്‍ത്താണ് വാഹനങ്ങള്‍ മോഷ്ടിക്കാറുള്ളതെന്ന് ഇവര്‍ പറഞ്ഞതായി പോലിസ് അറിയിച്ചു.
രാത്രി വീട്ടുകാര്‍ ഉറങ്ങിയ ശേഷം പുറത്തുകടന്ന് പുലരുന്നതിന് മുമ്പ് തിരികെ എത്തുന്നതാണ് ഇവരുടെ രീതി. അതിനാല്‍ തന്നെ വീട്ടുകാര്‍ക്കും മോഷണവുമായി ബന്ധപ്പെട്ട വിവരങ്ങള്‍ അറിവില്ലായിരുന്നു. മോഷ്ടിച്ച ബൈക്കുകളുടെ നിറം മാറ്റിയിട്ടുണ്ട്. ഇവര്‍ കൂടുതല്‍ മോഷണം നടത്തിയിട്ടുണ്ടോയെന്ന് പോലിസ് അന്വേഷിക്കുന്നുണ്ട്.
ഒരു മാസത്തിനിടെ റെയിൽവേ സ്റ്റേഷൻ, കീർത്തി തിയറ്റർ പരിസരം എന്നിവിടങ്ങളിൽ നിന്നാണ് ബൈക്കുകൾ കാണാതായത്. ബൈക്കിന്റെ വയർ മുറിച്ച് സ്റ്റാർട്ടാക്കി പോയ ശേഷം വ്യാജ നമ്പർ പ്ലേറ്റ് ഘടിപ്പിച്ച് ചേസിസ് നമ്പർ ചുരണ്ടിയും രൂപ മാറ്റം വരുത്തിയും മേമുണ്ട, ചല്ലി വയൽ ഭാഗങ്ങളി‍ൽ കറങ്ങുകയാണ് പതിവ്. ബൈക്ക് തകരാറായാൽ റോഡരികിൽ ഉപേക്ഷിക്കും. കൗമാരക്കാർ ബൈക്കിൽ കറങ്ങുന്നത് വീട്ടുകാരോ നാട്ടുകാരോ ശ്രദ്ധിക്കാത്തതു കൊണ്ട് ബൈക്ക് മോഷണം പതിവാക്കി. സിസിടിവി ക്യാമറകൾ ഉൾപ്പെടെ പരിശോധിച്ചു നടത്തിയ അന്വേഷണത്തിന് ഒടുവിലാണ് ബൈക്കുകൾ തിരിച്ചറിഞ്ഞതും പ്രതികളെ മുഴുവൻ പിടികൂടിയതും. മോഷ്ടിച്ച രീതിയെപ്പറ്റിയും നമ്പർ പ്ലേറ്റ്, ചേസിസ് നമ്പർ മാറ്റം എന്നിവയ്ക്കു പുറമേ നിന്നുള്ള സഹായം ഉണ്ടായിരുന്നോ എന്ന കാര്യം പൊലീസ് അന്വേഷിക്കുന്നുണ്ട്. പിടികൂടിയ ബൈക്കിൽ 4 പേർ തങ്ങളുടെ വാഹനം തിരിച്ചറിഞ്ഞിട്ടുണ്ട്. ബാക്കി ബൈക്കിന്റെ ഉടമകളെ കണ്ടെത്താൻ ശ്രമം തുടങ്ങി.പിടിയിലായ ഇവരെ അടുത്ത ദിവസം ജുവൈനൽ ജസ്റ്റിസ് ബോർഡിനു മുന്നിൽ ഹാജരാക്കും.
No comments:
Post a Comment