ജെന്‍സികളുടെ കാഞ്ഞ ബുദ്ധി.,,,,ജന്തർ മന്തറിൽ സമര സ്ഥലത്ത് ഇന്റര്‍നെറ്റ് സേവനം തടഞ്ഞു; മറുവിദ്യയുമായി പാറ്റകള്‍; അമ്പരന്ന് പോലീസ്

ന്യൂഡല്‍ഹി:ജെന്‍സികളുടെ കാഞ്ഞ  ബുദ്ധി ക്കു മുന്നിൽ പൊലീസ് കണ്ണു തള്ളിയ വാർത്തകൾ ആണ് ഇപ്പൊൾ രാജ്യം ശ്രവിച്ചു കൊണ്ടിരിക്കുന്നത്....

സിജെപിയുടെ സമരം പൊളിക്കാന്‍ ഇന്റര്‍നെറ്റ് വിഛേദിച്ചെങ്കിലും പുതിയ സാങ്കേതിക വിദ്യകള്‍ ഉപയോഗിച്ച് അതിനെ മറികടന്ന് ജെന്‍സി ബുദ്ധി. രാജ്യതലസ്ഥാനനഗരിയില്‍ നടക്കുന്ന സി.ജെ.പി പ്രതിഷേധത്തിനിടെ കേന്ദ്രസര്‍ക്കാര്‍ മൊബൈല്‍ ഇന്റര്‍നെറ്റ് സേവനങ്ങള്‍ തടഞ്ഞതോടെയാണ് ആശയവിനിമയത്തിനായി ഓഫ്‌ലൈന്‍ മെസേജിങ് ആപ്പുകള്‍ ഉപയോഗിച്ച് പാറ്റകള്‍ കളം നിറഞ്ഞത്.

സമരക്കാര്‍ തമ്മില്‍ ആശയവിനിമയം നടത്താന്‍ ബ്ലൂടൂത്ത് അധിഷ്ഠിത ഓഫ്‌ലൈന്‍ മെസേജിങ് ആപ്പുകളാണ് ഉപയോഗിക്കുന്നതെന്നാണ് റിപോര്‍ട്ടുകള്‍. ഇതോടെ നട്ടംതിരിഞ്ഞ പോലീസ് സംഭവത്തില്‍ അന്വേഷണം തുടങ്ങി. എന്നാല്‍ ഇത്തരം ആപ്പുകള്‍ ഉപയോഗിച്ചതായി ഔദ്യോഗിക സ്ഥിരീകരണം ഉണ്ടായിട്ടില്ല.

സാധാരണ വാട്‌സ്ആപ്പ്, സിഗ്‌നല്‍, ടെലഗ്രാം തുടങ്ങിയ ആപ്പുകള്‍ പ്രവര്‍ത്തിക്കാന്‍ മൊബൈല്‍ ഡാറ്റയോ വൈഫൈയോ ആവശ്യമാണ്. എന്നാല്‍ ബ്ലൂടൂത്ത് ലോ എനര്‍ജി (ബി.എല്‍.ഇ) സാങ്കേതികവിദ്യ ഉപയോഗിക്കുന്ന ചില ആപ്പുകള്‍ക്ക് മൊബൈല്‍ നെറ്റ്വര്‍ക്കോ ഇന്റര്‍നെറ്റോ ഇല്ലാതെയും സന്ദേശങ്ങള്‍ കൈമാറാന്‍ കഴിയും.

ഇത്തരത്തിലുള്ള സംവിധാനത്തില്‍ ഒരാളുടെ ഫോണില്‍നിന്ന് അയക്കുന്ന സന്ദേശം സമീപത്തുള്ള അതേ ആപ്പ് ഉപയോഗിക്കുന്ന മറ്റൊരു ഫോണിലേക്ക് ബ്ലൂടൂത്ത് വഴി എത്തുകയും അവിടെനിന്ന് അടുത്ത ഫോണിലേക്ക് കൈമാറപ്പെടുകയും ചെയ്യും. ഈജിപ്ത് ഉള്‍പ്പെടെയുള്ള രാജ്യങ്ങളില്‍ നേരത്തേ സര്‍ക്കാര്‍ വിരുദ്ധ സമരവേദികളില്‍ ഇത്തരം സാങ്കേതിക വിദ്യകള്‍ ഉപയോഗപ്പെടുത്തിയിരുന്നു.

മൊബൈൽ ഡാറ്റയെയോ വൈഫൈയെയോ (Wi-Fi) ആശ്രയിക്കുന്ന വാട്ട്സ്ആപ്പ്, സിഗ്‌നൽ, ടെലിഗ്രാം എന്നിവയിൽ നിന്ന് വ്യത്യസ്തമായി, ഈ ഓഫ്ലൈൻ മെസ്സേജിംഗ് ആപ്പുകൾ ബ്ലൂടൂത്ത് ലോ എനർജി (BLE) സാങ്കേതികവിദ്യയാണ് ഉപയോഗിക്കുന്നത്. മിക്ക ആധുനിക സ്‌മാർട്ട്ഫോണുകളിലും ലഭ്യമായിട്ടുള്ള ഒരു വയർലെസ് സാങ്കേതികവിദ്യയാണിത്. പ്രാദേശികമായും ആഗോളതലത്തിലും ലഭ്യമായ ഇത്തരംനിരവധി ആപ്പുകൾ നിലവിലുണ്ട്.

ആപ്പിലൂടെ, ഒരു അക്കൗണ്ട് ഉണ്ടാക്കുകയോ ഫോൺ നമ്പർ നൽകുകയോ സെൻട്രൽ സെർവറുകളുമായി ബന്ധിപ്പിക്കുകയോ ചെയ്യാതെ തന്നെ ഉപയോക്താക്കൾക്ക് ബ്ലൂടൂത്ത് വഴി സന്ദേശങ്ങൾ കൈമാറാൻ കഴിയും. ആൻഡ്രോയിഡിൽ സമാനമായ മറ്റ് ഓഫ്ലൈൻ മെസ്സേജിംഗ് ആപ്പുകളും ലഭ്യമാണ്.

ബിറ്റ്ചാറ്റും സമാനമായ മറ്റ് ആപ്പുകളും ഫോണുകൾക്ക് പുറമെ ഈയർബഡുകളിലും മറ്റ് സ്മാർട്ട് ഉപകരണങ്ങളിലും ലഭ്യമായ ബ്ലൂടൂത്ത് സാങ്കേതികവിദ്യ ഉപയോഗിച്ച്, അടുത്തുള്ള ഫോണുകൾ തമ്മിൽ ഓഫ്ലൈനായി ആശയവിനിമയം നടത്താൻ സഹായിക്കുന്നു.

ബിറ്റ്ചാറ്റ് പോലുള്ള ഒരു ആപ്പ് ഉപയോഗിച്ച് ഒരു ഉപയോക്താവ് സന്ദേശം അയക്കുമ്പോൾ, അത് മൊബൈൽ ടവർ വഴിയോ വൈഫൈ റൂട്ടർ വഴിയോ ഏതെങ്കിലും കേന്ദ്രീകൃത സെർവർ വഴിയോ അല്ല സഞ്ചരിക്കുന്നത്. പകരം, ആ ഫോൺ എൻക്രിപ്റ്റ് ചെയ്‌ത സന്ദേശം അതേ ആപ്പ് ഉപയോഗിക്കുന്ന അടുത്തുള്ള മറ്റ് ഉപകരണങ്ങളിലേക്ക് ബ്ലൂടൂത്ത് വഴി അയക്കുന്നു. ഈ ഉപകരണങ്ങൾ തനിയെ ആഉപയോക്താവ് സന്ദേശം അയക്കുമ്പോൾ, അത് മൊബൈൽ ടവർ വഴിയോ വൈഫൈ റൂട്ടർ വഴിയോ ഏതെങ്കിലും കേന്ദ്രീകൃത സെർവർ വഴിയോ അല്ല സഞ്ചരിക്കുന്നത്. പകരം, ആ ഫോൺ എൻക്രിപ്റ്റ് ചെയ്‌ത സന്ദേശം അതേ ആപ്പ് ഉപയോഗിക്കുന്ന അടുത്തുള്ള മറ്റ് ഉപകരണങ്ങളിലേക്ക് ബ്ലൂടൂത്ത് വഴി അയക്കുന്നു. ഈ ഉപകരണങ്ങൾ തനിയെ ആ സന്ദേശം മറ്റ് അടുത്തുള്ള ഫോണുകളിലേക്ക് കൈമാറുകയും, അങ്ങനെ ഒരു 'മെഷ് നെറ്റ്വർക്ക്' (Mesh network) രൂപപ്പെടുകയും ചെയ്യുന്നു. ഈ സംവിധാനത്തിൽ, ഓരോ സ്മാർട്ട്ഫോണും ഒരു റിലേ (Relay) ആയി പ്രവർത്തിക്കുകയും സന്ദേശങ്ങൾ ഉദ്ദേശിച്ച വ്യക്തിയിലെത്തുന്നതുവരെ ഒരു ഉപകരണത്തിൽ നിന്ന് മറ്റൊന്നിലേക്ക് ‘ഹോപ്പ്' (Hop) ചെയ്യപ്പെടുകയും ചെയ്യുന്നു.

ഒരേ പ്രദേശത്ത് ഈ ആപ്പ് ഉപയോഗിക്കുന്ന ആളുകളുടെ എണ്ണം കൂടുമ്പോൾ, നെറ്റ്വർക്ക് വലുതാവുകയും ആശയവിനിമയ ദൂരം വർദ്ധിക്കുകയും ചെയ്യുന്നു. ഇൻർനെറ്റിന് പകരം ഉപകരണങ്ങൾക്കിടയിൽ നേരിട്ട് സന്ദേശങ്ങൾ കൈമാറുന്നതിനാൽ, ഇന്റർനെറ്റ് സേവനങ്ങൾ വിച്ഛേദിക്കപ്പെടുമ്പോഴോ സെല്ലുലാർ കവറേജ് ഇല്ലാത്തപ്പോഴോ പോലും ഈ ആപ്പുകൾക്ക് പ്രവർത്തിക്കാൻ കഴിയും. എന്നിരുന്നാലും, കുറഞ്ഞ ദൂരത്തിലും ഒരേ മെഷ് നെറ്റ്വർക്കിൽ ആവശ്യത്തിന് ഉപയോക്താക്കൾ ഉള്ള പ്രദേശങ്ങളിലും മാത്രമാണ് ഇവ ഏറ്റവും മികച്ച രീതിയിൽ പ്രവർത്തിക്കുന്നത്.

ഡൽഹി പോലീസ് എന്തുകൊണ്ടാണ് ഈ ആപ്പുകളെ കുറിച്ച് അന്വേഷിക്കുന്നത്?

അന്വേഷണത്തിൻ്റെ ഭാഗമായി ഇത്തരം ആപ്പുകൾ ഉപയോഗിക്കുന്നവരെക്കുറിച്ചുള്ള വിവരങ്ങൾ തേടാൻ അവയുടെ സർവീസ് പ്രൊവൈഡർമാർക്ക് കത്തെഴുതാൻ ഡൽഹി പോലീസ് പദ്ധതിയിടുന്നതായി റിപ്പോർട്ടിൽ പറയുന്നു. നിലവിൽ ഏതെങ്കിലും പ്രത്യേക ആപ്പുകളുടെ പേരുകൾ പരാമർശിച്ചിട്ടില്ല. കൂടാതെ ഇന്റർനെറ്റ് പ്രോട്ടോക്കോൾ ഡിവൈസ് റെക്കോർഡുകൾ (IPDR) പരിശോധിച്ചും, സിസിടിവി ദൃശ്യങ്ങൾ അപഗ്രഥിച്ചും, ഫേഷ്യൽ റെക്കഗ്നിഷൻ സാങ്കേതികവിദ്യ ഉപയോഗിച്ചുമാണ്

സെൻട്രൽ ഡൽഹിയിലെ പ്രക്ഷോഭകർ ആശയവിനിമയത്തിനും ഏകോപനത്തിനുമായി ഓഫ്ലൈൻ മെസ്സേജിംഗ് ആപ്പുകളെ ആശ്രയിക്കുന്നത് ഇതാദ്യമല്ല എന്നത് ശ്രദ്ധേയമാണ്. ലോകമെമ്പാടുമുള്ള നിരവധി പ്രക്ഷോഭങ്ങളിൽ പ്രത്യേകിച്ച് ഹോങ്കോംഗ്, ഉക്രെയ്ൻ, നേപ്പാൾ എന്നിവിടങ്ങളിൽ പ്രതിഷേധക്കാർ സമാനമായ ആപ്പുകൾ വ്യാപകമായി ഉപയോഗിച്ചിരുന്നു.

വയർഡ് അല്ലെങ്കിൽ സെല്ലുലാർ നെറ്റ്വർക്കുകൾ തടസ്സപ്പെടുന്ന പ്രകൃതിദുരന്ത വേളകളിലും ആശയവിനിമയത്തിനായി ഇത്തരം ആപ്പുകൾ ചിലപ്പോൾ ഉപയോഗിക്കാറുണ്ട്.