രാജസ്ഥാനിലെ ഡുങ്കർപൂർ ജില്ലയിലുള്ള ബിച്ചിവാര പോലീസ് സ്റ്റേഷനിലാണ് സംഭവം നടന്നത്. പ്രായമായ ഒരു മുത്തശ്ശൻ തന്റെ ഒരു പരാതി പറയാൻ വേണ്ടി സ്റ്റേഷനിൽ എത്തിയതായിരുന്നു. എന്നാൽ അവിടെയുണ്ടായിരുന്ന റീന ഗാർഗ് എന്ന വനിതാ കോൺസ്റ്റബിളിന് പുള്ളിക്കാരന്റെ പരാതി കേൾക്കാൻ ഒരു താല്പര്യവുമില്ലായിരുന്നു എന്ന് മാത്രമല്ല, മാന്യതയുടെ എല്ലാ അതിർവരമ്പുകളും ലംഘിച്ചുകൊണ്ട് അവർ ചെയ്തത് വലിയൊരു അഹങ്കാരമായിരുന്നു.
പരാതിയുമായി മുന്നിൽ നിൽക്കുന്ന പ്രായമായ ആ വൃദ്ധനെ ഒട്ടും ബഹുമാനിക്കാതെ, രണ്ട് കാലുകളും മേശപ്പുറത്ത് കയറ്റിവെച്ചാണ് ഈ മാഡം ഇരുന്നത്! ഒരു പോലീസ് ഉദ്യോഗസ്ഥയിൽ നിന്ന് ഒരിക്കലും പ്രതീക്ഷിക്കാത്ത തരത്തിലുള്ള മോശം പെരുമാറ്റം. എന്നാൽ ഭാഗ്യത്തിന്, സ്റ്റേഷനിലുണ്ടായിരുന്ന ആരോ ഈ ദൃശ്യം മൊബൈലിൽ പകർത്തി സോഷ്യൽ മീഡിയയിൽ പങ്കു വെച്ചു.
സംഭവം വൈറലായതോടെ സംഗതി രാജസ്ഥാൻ പോലീസിന്റെ കയ്യിലെത്തി. ഡുങ്കർപൂർ എസ്പി മനീഷ് കുമാർ ഒട്ടും സമയം കളയാതെ തന്നെ ജനങ്ങളോട് അനാദരവ് കാണിച്ച ഈ കോൺസ്റ്റബിളിനെ സർവീസിൽ നിന്നും സസ്പെൻഡ് ചെയ്ത് കൈയോടെ പണി കൊടുത്തു!
ജനങ്ങളെ സേവിക്കാൻ ശമ്പളം വാങ്ങുന്ന ചില ഉദ്യോഗസ്ഥർക്ക് അധികാരത്തിന്റെ കസേര കിട്ടുമ്പോൾ ഉണ്ടാകുന്ന അഹങ്കാരത്തിനുള്ള നല്ലൊരു തിരിച്ചടിയാണ് ഈ സംഭവം. എന്തായാലും ഒരുകാര്യം ഉറപ്പാണ്, സോഷ്യൽ മീഡിയ ഉള്ളതുകൊണ്ട് ഇനി ആർക്കും എളുപ്പത്തിൽ രക്ഷപ്പെടാൻ കഴിയില്ല! എന്നാണ് ഈ വാർത്തക്ക് പിന്നാലേ സാമൂഹ്യ മാധ്യമങ്ങളിൽ നിറയുന്ന കമന്റുകൾ
