സംസ്കാര ചടങ്ങുകളിൽ ഒരു സേവാഭാരതിയേയും കണ്ടില്ലെന്നു മറുപടി യുമായി സാമൂഹ്യ മാധ്യമങ്ങളിൽ പൊങ്കാല
ഉപ്പള: രോഗബാധയെ തുടർന്ന് കോഴിക്കോട് മെഡിക്കല് കോളജ് ആശുപത്രിയില് മരിച്ച വ്യക്തിയുടെ സംസ്കാര ചടങ്ങുകളുടെ പേരില് രാഷ്ട്രീയ ലാഭമെടുക്കാൻ മുസ്ലിം ലീഗും ജനപ്രതിനിധികളും ശ്രമിക്കുന്നതായി ബിജെപി ജില്ലാ പ്രസിഡൻ്റ് എം എല് അശ്വിനി ആരോപിച്ചു.
സാമ്പത്തികമായി പിന്നാക്കം നില്ക്കുന്ന ഒരു നിർധന കുടുംബത്തിൻ്റെ അവസ്ഥയെ ചൂഷണം ചെയ്യാനാണ് ജില്ലാ പഞ്ചായത്ത്, ഗ്രാമപഞ്ചായത്ത് ജനപ്രതിനിധികള് ശ്രമിക്കുന്നതെന്ന് അവർ ഫേസ്ബുക്കില് കുറിച്ചു.
സേവാഭാരതിയാണ് ചെലവ് വഹിച്ചത്
കോഴിക്കോട് മെഡിക്കല് കോളജ് ആശുപത്രിയില് മരിച്ച വ്യക്തിയുടെ ഭൗതികദേഹം സംസ്കരിക്കുന്നതിനുള്ള സാമ്പത്തിക ചെലവ് താങ്ങാൻ അദ്ദേഹത്തിൻ്റെ കുടുംബത്തിന് സാധിക്കുമായിരുന്നില്ല. ഈ ദയനീയാവസ്ഥ കാരണമാണ് കുടുംബാംഗങ്ങള് ജനപ്രതിനിധികള്ക്ക് മൃതദേഹം വിട്ടുനല്കാൻ തയ്യാറായത്. തുടർന്ന് ഈ വ്യക്തിയുടെ ഭൗതികദേഹം സംസ്കരിക്കാനുള്ള മുഴുവൻ ചെലവുകളും വഹിച്ചതും ചടങ്ങുകള്ക്ക് നേതൃത്വം നല്കിയതും സേവാഭാരതിയാണെന്ന് എം എല് അശ്വിനി വ്യക്തമാക്കി.
സത്യാവസ്ഥ ഇതായിരിക്കെ, സംസ്കാര ചടങ്ങുകളുടെ ചിത്രങ്ങള് പകർത്തി ഇതിൻ്റെ മുഴുവൻ ഉത്തരവാദിത്തവും തങ്ങള് ഏറ്റെടുത്തുവെന്ന തരത്തില് വ്യാജ പ്രചാരണം നടത്താനാണ് മുസ്ലിം ലീഗിൻ്റെ നേതാക്കളും ജനപ്രതിനിധികളും ശ്രമിച്ചതെന്ന് ബിജെപി ജില്ലാ പ്രസിഡൻ്റ് കുറ്റപ്പെടുത്തി. ലീഗ് നേതൃത്വം നടത്തിയ ഇത്തരം പരാമർശങ്ങളും പ്രസ്താവനകളും യാഥാർഥ്യത്തിന് നിരക്കുന്നതല്ലെന്നും അവർ പറഞ്ഞു. അനാഥമായതോ ഉപേക്ഷിക്കപ്പെട്ടതോ ആയ മൃതദേഹങ്ങള് സംസ്കരിക്കുക എന്നത് ഏതൊരു ജനപ്രതിനിധിയുടെയും സ്വാഭാവിക ഉത്തരവാദിത്തം മാത്രമാണെന്നും അവർ കൂട്ടിച്ചേർത്തു.
