താമരശേരി കാരാടിയിൽ നിയന്ത്രണം വിട്ട ഒമ്നി വാൻ കെ.എസ്.ആർ.ടി.സി ബസിൽ ഇടിച്ച് 7 പേർക്ക് പരുക്കേറ്റു. വാനിൽ ഉണ്ടായിരുന്ന വയനാട് കമ്പളക്കാട് സ്വദേശികളായ മുഹമ്മദ് നൗഷാദ്, മക്കളായ മുഹമ്മദ് അജ്നാൻ, മുഹമ്മദ് സഫ് വാൻ, ബസ് യാത്രക്കാരായ ഹരികൃഷ്ണ (ഈങ്ങാപ്പുഴ), രസിത (താമരശേരി), അബദുൽ സലാം (മാവൂർ ), സൗമിനി (അമ്പായത്തോട് ) എന്നിവർക്കാണ് പരുക്കേറ്റത്.വാനിൽ ഉണ്ടായിരുന്നവരെ താമരശേരി താലൂക്ക് ആശുപത്രിയിൽ പ്രാഥമിക ചികിത്സ നൽകിയ ശേഷം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.വാൻ ഡ്രൈവറായ മുഹമ്മദ് നൗഷാദിൻ്റെ പരുക്ക് സാരമുള്ളതാണ്
.വാൻ വെട്ടിപൊളിച്ചാണ് ഇയാളെ പുറത്തെടുത്തത്. കോഴിക്കോട് ഭാഗത്ത് നിന്നും വയനാട്ഭാഗത്തേക്ക് വരികയായിരുന്നവാൻബത്തേരിയിൽ നിന്നും കോഴിക്കോട്ടേക്ക് പോകുകയായിരുന്ന ബസിൻ്റെ വലതു വശത്ത്ഇടിക്കുകയായിരുന്നു. ഇന്ന് വൈകുന്നേരം 5 ഓടെയായിരുന്നു അപകടം. താമരശേരി പൊലീസും, നാട്ടുകാരും ചേർന്ന് രക്ഷാപ്രവർത്തനം നടത്തി
