ഈ മൂന്നു വളവുകളിലും മരങ്ങൾ മുറിച്ച് മാറ്റി അരികുഭിത്തി കെട്ടിപ്പൊക്കി റോഡ് വീതി കൂട്ടി ടാർ ചെയ്യുന്നതിന് 22 കോടി രൂപയുടെ ടെൻഡർ ഡൽഹി ആസ്ഥാനമായ ചൗധരി കൺസ്ട്രക്ഷൻ കമ്പനിയാണ് എടുത്തിരിക്കുന്നത്. ഈ വളവുകൾ വീതികൂട്ടുന്നതിനുള്ള വനഭൂമി വിട്ടു കിട്ടുന്നതിനു ദേശീയപാത വിഭാഗം വർഷങ്ങളായി നടത്തിവന്ന ശ്രമങ്ങൾ കഴിഞ്ഞ ഡിസംബറിലാണു ഫലം കണ്ടത്. വിട്ടുകൊടുത്ത സ്ഥലത്തെ മരങ്ങളുടെ വാല്യുവേഷനും മറ്റും നടത്തി വനം വകുപ്പ് നിർദേശിച്ച തുക അടച്ചിട്ടും ഏറെ നാളത്തെ കാത്തിരിപ്പിനു ശേഷമാണു ഭൂമി ദേശീയപാത വിഭാഗത്തിനു വിട്ടുകിട്ടിയത്. ഈ മൂന്ന് വളവുകൾ കൂടി വീതികൂട്ടുന്നതോടെചുരത്തിലെ രൂക്ഷമായ ഗതാഗതക്കുരുക്കിനു തെല്ലൊരാശ്വസമാകുമന്നാണു പ്രതീക്ഷ.
