ഇവി സ്കൂട്ടര്‍ എടുക്കാൻ ആലോചിക്കുന്നുണ്ടോ?

നിരത്തുകൾ കയ്യടക്കി ഇലക്ട്രിക് സ്കൂട്ടറുകൾ മുന്നേറുമ്പോൾ ഇവ സ്വന്തമാക്കാൻ വേണ്ടിയുള്ള പ്രിയം ഏറുകയാണ്. നിരവധി മികച്ച മോഡലുകളാണ് ഇവി സെഗ്മെന്റില്‍ വിപണിയിലേക്ക് എല്ലാ മാസവും എത്തുന്നതും.

സിറ്റി റൈഡിനും ദൈനംദിന ആവശ്യങ്ങള്‍ക്കും ഇക്കോ ഫ്രണ്ട്ലി ആണെന്നതുമൊക്കെ വിപണിയില്‍ ഇവിക്ക് പ്രിയം വർധിപ്പിക്കുന്ന ഘടകങ്ങളാണ്.

ഇന്ത്യൻ വിപണിയില്‍ ബഡ്ജറ്റ്, റൈഡിംഗ് ശീലങ്ങള്‍ എന്നിവ അനുസരിച്ച്‌ നിങ്ങള്‍ക്ക് തെരഞ്ഞെടുക്കാൻ സാധിക്കുന്ന ചില ഇവികള്‍ ഇതാണ്.

മികച്ച റേഞ്ച്, ഉയർന്ന വേഗത, ഫീച്ചറുകള്‍ നിറഞ്ഞ ടച്ച്‌സ്ക്രീൻ ഡിസ്പ്ലേ, പാർട്ടീ മോഡ്, പ്രോക്സിമിറ്റി അണ്‍ലോക്ക് തുടങ്ങിയ അഡ്വാൻസ്ഡ് ഫീച്ചറുകളാണ് ഓലയുടെ ഈ സ്കൂട്ടറുകളുടെ പ്രത്യേകത്. ഒറ്റ ചാർജില്‍ 195 കിലോമീറ്റർ റേഞ്ചാണ് ഈ മോഡലുകള്‍ക്ക് കമ്ബനി വാഗ്ദാനം ചെയ്യുന്നത്. മോഡലുകള്‍ക്ക് അനുസൃതമായി റേഞ്ചിന് വ്യത്യാസം ഉണ്ടാകും. മോഡല്‍ അനുസരിച്ച്‌ ഏകദേശം ₹93,737 മുതല്‍ ₹1,57,757 (എക്സ്-ഷോറൂം) വരെയാണ് വില വരുന്നത്.

സ്പോർട്ടി ഡിസൈൻ, മികച്ച ഹാൻഡ്ലിംഗ്, 7 ഇഞ്ച് ടച്ച്‌സ്ക്രീൻ ഡിസ്പ്ലേ, മികച്ച സ്മാർട്ട് ഫീച്ചറുകളോടെ എത്തുന്ന വണ്ടിക്ക് 116 മിുതല്‍161 കിലോമീറ്റർ വരെ റേഞ്ച് വാഗ്ദാനം ചെയ്യുന്നു. മോഡല്‍ അനുസരിച്ച്‌ ഏകദേശം ₹1,11,000 മുതല്‍ ₹1,49,000 വരെ (എക്സ്-ഷോറൂം) വരെയാണ് വില വരുന്നത്.

നിരവധി സ്മാർട്ട് ഫീച്ചറുകളുമായി പരമ്ബരാഗത രൂപകല്‍പ്പനയില്‍ എത്തുന്ന വാഹനത്തിന് 75 കിലോമീറ്റർ മുതല്‍ 150 കിലോമീറ്റർ വരെയാണ് റേഞ്ച് (വേരിയന്റുകള്‍ അനുസരിച്ച്‌) വാഗ്ദാനം ചെയ്യുന്നത്. നിലവില്‍ ഏറ്റവും കൂടുതല്‍ വിറ്റഴിക്കപ്പെടുന്ന ഇലക്‌ട്രിക് സ്കൂട്ടറുകളില്‍ ഒന്നായ ഇതിന്റെ വില വരുന്നത് മോഡലുകള്‍ക്ക് അനുസരിച്ച്‌ ₹94,434 മുതല്‍ ₹1,31,000 (എക്സ്-ഷോറൂം) വരെയാണ്.

VX2 ഗോ, VX2 പ്ലസ് എന്നിങ്ങനെ രണ്ട് വേരിയന്റുകളിലെത്തുന്ന ഹീറോയുടെ ഈ ഇവി സ്കൂട്ടറുകള്‍ ബാറ്ററി-ആസ്-എ-സർവീസ് (BaaS) ആയും വാഹനം ലഭിക്കും. VX2 ഗോയില്‍ 92 കിലോമീറ്റർ റേഞ്ചും. VX2 പ്ലസില്‍ 142 കിലോമീറ്റർ റേഞ്ചുമാണ് കമ്ബനി അവകാശപ്പെടുന്നത്. BaaS സംവിധാനം തെരഞ്ഞെടുത്താല്‍ 59,490 രൂപയും 64,990 രൂപയുമാണ് യഥാക്രമം ഇരു വേരിയന്റുകള്‍ക്കും വരുന്നത്. അതല്ല ബാറ്ററിയോടെയാണ് വാങ്ങാൻ ഉദ്ദേശിക്കുന്നതെങ്കില്‍ 99,490 രൂപയും 1.10 ലക്ഷം രൂപയുമാണ് വില വരിക.

ഹോണ്ടയുടെ വിശ്വസ്തത, ആക്ടിവയുടെ ജനപ്രിയത, മികച്ച ഫീച്ചറുകള്‍ എന്നിവയോടെയെത്തുന്ന ആക്ടീവയുടെ ഇവിക്ക് 102 കിലോമീറ്റർ റേഞ്ചാണ് കമ്ബനി വാഗ്ദാനം ചെയ്യുന്നത്. ഏകദേശം ₹1,17,000 മുതല്‍ (എക്സ്-ഷോറൂം) ആണ് ആക്ടീവ ഇക്ക് വില വരുന്നത്