ശ്രദ്ധ മരിക്കുമ്പോൾ അപകടം ജനിക്കുന്നു’; മഴയത്ത്​ കൂടുതൽ ജാഗ്രത വേണമെന്ന് മോട്ടോർ വാഹനവകുപ്പ്

കോരിച്ചൊരിയുന്ന മഴയത്ത്​ വാഹനാപകട സാധ്യത കുറക്കാനുള്ള നിർദേശങ്ങളുമായി മോട്ടോർ വാഹനവകുപ്പ്​. ഇരുചക്രവാഹന യാത്രക്കാർ പരമാവധി ശ്രദ്ധിക്കണമെന്നും മഴക്കാലത്ത് തിരക്ക്​ കൂട്ടിയുള്ള യാത്ര പാടില്ലെന്നും വകുപ്പ്​ നിർദേശിക്കുന്നു. ഡ്രൈവിങ്ങ്​ കരുതലോടെ വേണമെന്നും വകുപ്പ്​ ആവശ്യപ്പെടുന്നു.

*മറ്റ്​ നിർദേശങ്ങൾ:*

 ▪️ഏത്​ സാഹചര്യത്തിലും ഹെൽമറ്റ് ധരിക്കണം. ഗുണനിലവാരമുള്ള ഹെൽമറ്റ് തിരഞ്ഞെടുക്കുക, ഇരുണ്ട ഗ്ലാസോടു കൂടിയവ മഴക്കാലത്ത്​ ഒഴിവാക്കുക.

 

▪️ഒരു സാഹചര്യത്തിലും ഒരു കൈകൊണ്ട്​ വാഹനം ഓടിക്കരുത്​.

 

▪️കുട നിവർത്തിപ്പിടിച്ച്​ വാഹനം ഓടിക്കരുത്. ഓടുന്ന വഹാനത്തിൽ പിൻസീറ്റിൽ കുട നിവർത്തിപ്പിടിച്ച്​ ഇരിക്കരുത്​.

 

▪️ഇയർഫോൺ ഉപയോഗം ഒഴിവാക്കുക.

 

▪️ട്രാഫിക് സിഗ്‌നലുകളും സ്പീഡ് പരിധിയും ലംഘിക്കരുത്​.

▪️ലെയ്ൻ ട്രാഫിക്കിൽ മുൻകൂർ ഇൻഡിക്കേറ്ററുകൾ പ്രകാശിപ്പിച്ച്​ ഡ്രൈവിങ് നടത്തുക.

 

▪️മദ്യപിച്ച് വാഹനം ഓടിക്കരുത്​.

 

▪️ഗട്ടറുകളും മറ്റും വെള്ളം നിറഞ്ഞ് കിടക്കുന്നതിനാൽ വാഹനത്തിൽ ബലം കൊടുത്ത്​ ഓടിക്കുക.

*വാഹനങ്ങൾ എങ്ങനെ സജ്​ജമാക്കാം:*

♦️ടയർ പരിശോധിക്കുക. ടയർ മികച്ചതാവണം.

♦️വാഹനത്തിന്റെ ബ്രേക്ക് പരിശോധിക്കുക.

♦️ഹെഡ് ലൈറ്റ് പരിശോധിക്കുക. കണ്ണഞ്ചിപ്പിക്കുന്ന ഹെഡ് ലൈറ്റ് ഉപയോഗിക്കരുത്

♦️ഹെഡ് ലൈറ്റ് ഇടക്കിടെ ‘ഡിപ്’ ചെയ്ത് ശ്രദ്ധ കൂട്ടുക.

♦️ഇൻഡിക്കേറ്ററുകൾ കൃത്യമായി പ്രവർത്തിക്കുന്നുണ്ടെന്ന് ഉറപ്പു വരുത്തുക. ശരിയായ ബസറുകളുടെ ഉപയോഗം, ഇൻഡിക്കേറ്ററുകൾ ആവശ്യത്തിനുശേഷം ഓഫ്​ ചെയ്യൽ എന്നിവ ശ്രദ്ധിക്കണം..

♦️ലൈറ്റിൽ പ്രതിഫലിക്കുന്ന റിഫ്ലക്ടീവ് സ്റ്റിക്കറുകൾ, വാഹനത്തിന്റെ പിറകുവശത്തും ഹെൽമറ്റിന്റെ പിറകിലും മറ്റും ഒട്ടിച്ചാൽ സുരക്ഷ വർധിക്കും.