കേസില്‍ ആരോപിക്കപ്പെട്ട കുറ്റങ്ങള്‍ സംശയരഹിതമായി തെളിയിക്കാന്‍ പ്രോസിക്യൂഷന് സാധിച്ചില്ലെന്ന് ചൂണ്ടിക്കാട്ടിയാണ് മുഴുവന്‍ പ്രതികളെയും കോടതി ഒഴിവാക്കിയത്.
വിധി പ്രോസിക്യൂഷൻ അന്വേഷണസംഘത്തിന് വൻ തിരിച്ചടിയായി മാറി.
കടയ്ക്കുള്ളില്‍ വെച്ച് നടന്ന അതിക്രൂര കൊലപാതകം
2014 ഡിസംബര്‍ 22-ന് രാത്രി ഒന്‍പതരയോടെയാണ് കേസിനാസ്പദമായ നടുക്കുന്ന സംഭവം നടക്കുന്നത്. കാസര്‍കോട് പഴയ ബസ് സ്റ്റാന്‍ഡിന് സമീപത്തെ എം.ജി. റോഡില്‍ പിതാവിന്റെ ഉടമസ്ഥതയിലുള്ള കടയില്‍ ജോലി ചെയ്തുവരികയായിരുന്ന സൈനുല്‍ ആബിദീനെ കടയ്ക്കുള്ളില്‍ കയറി ആക്രമികള്‍ വെട്ടിക്കൊലപ്പെടുത്തുകയായിരുന്നു. വ്യക്തിവൈരാഗ്യവും രാഷ്ട്രീയ വിരോധവുമാണ് കൊലപാതകത്തിന് പിന്നിലെന്നായിരുന്നു പൊലീസിന്റെ കുറ്റപത്രം.
സൈനുല്‍ ആബിദിന്റെ പിതാവ് കെ എ മുഹമ്മദ് കുഞ്ഞിയുടെ ഉടമസ്ഥതയിലുള്ള കട അടക്കാനായി സാധനങ്ങള്‍ അടുക്കിവെക്കുന്നതിനിടെ രാത്രി 10 മണിയോടെ കടയിലെത്തിയ സംഘം പിതാവിന്റെ മുന്നിലിട്ട് യുവാവിനെ വെട്ടിക്കൊലപ്പെടുത്തുകയായിരുന്നു.
കാസര്‍കോട്ടെ സ്വകാര്യ ആശുപത്രിയില്‍ നിന്ന് പ്രാഥമിക ശുശ്രൂഷ നല്‍കിയ ശേഷം നില മോശമായതിനാല്‍ മംഗലാപുരത്തേക്ക് കൊണ്ടുപോകും വഴിയാണ് മരണം സംഭവിച്ചത്. വ്യക്തിവിരോധമാണ് കൊലപാതകത്തിന് പിന്നിലെന്നാണ് കുറ്റപത്രത്തില്‍ പറയുന്നത്. നഗരമധ്യത്തില്‍ ഉണ്ടായ ഈ ആക്രമണത്തില്‍ ജില്ലയില്‍ വലിയ പ്രതിഷേധം ഉയര്‍ന്നിരുന്നു
21 പേർ പ്രതിപ്പട്ടികയിൽ; വിചാരണ പൂർത്തിയായത് വർഷങ്ങൾക്ക് ശേഷം
സംഘപരിവാര പ്രവർത്തകരായ ഉദയൻ, പ്രശാന്ത്, മഹേഷ്, അനി എന്ന അനിൽകുമാർ ഉൾപ്പെടെ 21 പേരാണ് പ്രതിപ്പട്ടികയിലുള്ളത്. വിചാരണ നടപടികൾ പുരോഗമിക്കുന്നതിനിടെ കേസിലെ എട്ടാം പ്രതിയായ ജ്യോതിഷിനെ മരണപ്പെട്ട നിലയിൽ കണ്ടെത്തിയിരുന്നു. കേസിലെ മറ്റൊരു പ്രതിയായ മഹേഷ് കാപ്പ (KAPA) നിയമപ്രകാരം നിലവിൽ റിമാൻഡിൽ കഴിയുകയാണ്.
കേസിന്റെ വിചാരണയ്ക്കിടയിൽ പ്രധാന സാക്ഷികൾ മരിച്ചിരുന്നു. സംഭവത്തിന്റെ ദൃക്സാക്ഷിയും സൈനുൽ ആബിദിന്റെ പിതാവുമായിരുന്ന മുഹമ്മദ് കുഞ്ഞി രണ്ട് വർഷം മുൻപ് കർണാടകയിലുണ്ടായ വാഹനാപകടത്തിൽ മരിച്ചു. ദൃക്സാക്ഷിയായ ഇദ്ദേഹത്തിന്റെ മരണം പ്രോസിക്യൂഷൻ കേസിനെ ബാധിച്ചു. മറ്റൊരു പ്രധാന സാക്ഷിയും സൈനുൽ ആബിദിന്റെ സഹോദരനുമായ അബ്‌ദുൽ റഷീദും അസുഖത്തെ തുടർന്ന് മരിച്ചു.
കാസർകോട് എസ്.പി.യായിരുന്ന തോംസൺ ജോസിന്റെ നേരിട്ടുള്ള മേൽനോട്ടത്തിൽ അന്നത്തെ ഡി.വൈ.എസ്.പി. ടി.പി. രഞ്ജിത്ത്, സി.ഐ. പി.കെ. സുധാകരൻ, എസ്.ഐ. എം. രാജേഷ് എന്നിവരടങ്ങിയ സംഘമാണ് അന്വേഷണം നടത്തിയത്. അന്വേഷണം പൂർത്തിയാക്കി സി.
പൂർത്തിയാക്കി സി.ഐ. പി.കെ.
സുധാകരനാണ് കോടതിയിൽ കുറ്റപത്രം സമർപ്പിച്ചിരുന്നത്. 10 വർഷത്തിന് ശേഷം 2024 സെപ്റ്റംബറിലാണ് വിചാരണ നടപടികൾ തുടങ്ങിയത്.
എന്നാൽ സാക്ഷിമൊഴികളിലെ വൈരുധ്യവും ശക്തമായ ഭൗതിക-ശാസ്ത്രീയ തെളിവുകളുടെ അഭാവവും ചൂണ്ടിക്കാട്ടിയാണ് വർഷങ്ങൾ നീണ്ട നിയമപോരാട്ടത്തിനൊടുവിൽ പ്രതികളെ മുഴുവൻ കോടതി വെറുതെവിട്ടത്.
0 Comments