മുംബൈ:ഐ ലവ് യു പറഞ്ഞാൽ പീഡനക്കുറ്റമാകില്ല”; യുവാവിനെ പോക്സോ കേസിൽ നിന്ന് കുറ്റവിമുക്തനാക്കി കോടതി.2015ൽ പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ചെന്ന കേസിൽ ആരോപണവിധേയനായ 27 വയസുകാരനെ ബോംബെ ഹൈക്കോടതിയുടെ നാഗ്‌പൂർ ബെഞ്ച് തിങ്കളാഴ്ച കുറ്റവിമുക്തനാക്കി. പെൺകുട്ടിയോട് "ഐ ലവ് യു" എന്ന് പറയുകയും അവളുടെ കൈയ്യിൽ പിടിച്ചെന്നും മാത്രം കണ്ടെത്തിയ സാഹചര്യത്തിൽ യുവാവിനെതിരെ പീഡനക്കേസ് ചുമത്താൻ കഴിയില്ലെന്ന് നിരീക്ഷിച്ചുകൊണ്ടാണ് കോടതി ഈ വിധി പുറപ്പെടുവിച്ചത്.
കുട്ടിയുടെ മാതാപിതാക്കൾ നൽകിയ പരാതിയിലാണ് നിർണായക വിധി. ജസ്റ്റിസ് ഊർമിള ഫാൽക്കെയാണ് നാഗ്‌പൂർ ബെഞ്ചിൽ വിധി പറഞ്ഞത്. 2017 ഒക്ടോബർ 23നാണ് കേസിനാസ്പദമായ സംഭവം ഉണ്ടായത്.
ട്യൂഷൻ കഴിഞ്ഞ് വീട്ടിലേക്ക് മടങ്ങുന്ന വഴിയിൽ തങ്ങളുടെ പ്രായപൂർത്തിയാകാത്ത മകളെ യുവാവ് തടഞ്ഞു നിർത്തി "ഐ ലവ് യൂ" എന്ന് പറഞ്ഞുവെന്നും, നിർബന്ധിച്ച് പേര് പറയിപ്പിച്ചുവെന്നുമാണ് കേസ്. എന്നാൽ ഐ ലവ് യൂ എന്ന് പറഞ്ഞതിന് പിന്നിൽ ലൈംഗിക ഉദേശ്യമില്ലെങ്കിൽ കുറ്റമാകില്ല എന്നായിരുന്നു കോടതിയുടെ നിരീക്ഷണം.
No comments:
Post a Comment