താമരശ്ശേരി: താമരശ്ശേരിയിൽ ആരോഗ്യവകുപ്പ് നടത്തിയ പരിശോധനയിൽ അനധികൃതമായി പ്രവർത്തിച്ച കട അടപ്പിച്ചു. കോഴിക്കടകളിലും, ഹോട്ടലുകളിലുമാണ് ഇന്ന് രാവിലെ ആരോഗ്യ വകുപ്പ് അധികൃതർ പരിശോധന നടത്തിയത്. പരപ്പൻപൊയിലിലെ വൃത്തിഹീനമായും ആവശ്യമായ രേഖകളില്ലാതെയും പ്രവർത്തിച്ച ചായക്കടയാണ് അധികൃതർ പൂട്ടിച്ചത്.
വരും ദിവസങ്ങളിലും പരിശോധന കർശ്ശനമാക്കുമെന്നും ശുചിത്വ സംവിധാനങ്ങൾ ഇല്ലാതെയും ആവശ്യമായ രേഖകൾ ഇല്ലാതെയും പ്രവർത്തിക്കുന്ന സ്ഥാപനങ്ങൾക്കെതിരെ നിയമ നടപടികൾ സ്വീകരിക്കുമെന്നും ആരോഗ്യവകുപ്പ് അധികൃതർ അറിയിച്ചു.
