മതവിദ്വേഷ ശബ്ദ സന്ദേശം പ്രചരിപ്പിച്ച പുതുപ്പാടി സ്വദേശി അറസ്റ്റിൽ

താമരശ്ശേരി: ഇസ്ലാം മതത്തിനും, പ്രവാചകനുമെതിരെ അസ്ലീലവും, മതവിദ്വേഷം പരത്തുന്നതുമായ 1.55 മിനുട്ട് നീണ്ടു നിൽക്കുന്ന ശബ്ദ സന്ദേശം  വാട്ട്സ്ആആപ്പ് വഴി പ്രചരിപ്പിച്ച പുതുപ്പാടി കൈതപ്പൊയിൽ ആനോറമ്മൽ ചന്ദ്രഗിരി അജയൻ (44) നെ താമരശ്ശേരി പോലീസ് അറസ്റ്റു ചെയ്തു.BNS 196 (1) വകുപ്പ് ചുമത്തിയാണ് അറസ്റ്റു ചെയ്തത്. ഇന്നലെ രാത്രി താമരശ്ശേരി കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു. പ്രാദേശിക വാട്ട്സ്ആആപ്പ് ഗ്രൂപ്പിലാണ് സന്ദേശം പ്രചരിപ്പിച്ചത്.

SDPI പഞ്ചായത്ത് പ്രസിഡൻ്റായ പുതുപ്പാടി മയിലള്ളാംപാറ ഞാറ്റും പറമ്പിൽ  മജീദ് നൽകിയ പരാതിയിലാണ് കേസെടുത്തത്.

196 (1) വകുപ്പ് പ്രകാരം മൂന്ന് വർഷം തടവും, പിഴയും ലഭിക്കാവുന്ന കുറ്റമാണ് അജയനെതിരെ ചുമത്തിയത്.